27
декабрь
2024
24.12.2024 жылы Шымкент қаласындағы «Көрме» орталығында Қазақстан Республикасының
24.12.2024 жылы Шымкент қаласындағы «Көрме» орталығында Қазақстан Республикасының Президенті Қасым-Жомарт Тоқаевтың атынан мектеп оқушыларына арналған жаңа жылдық шырша тойланды. Еліміз бойынша бір мезгілде өткен шара «Қош келдің, Жаңа Жыл!» деп аталды. Оған қала әкімі Ғабит Сыздықбеков қатысып, балғындарға Мемлекет басшысының құттықтауын оқыды.
«Қош келдің, Жаңа Жыл!» атты жаңажылдық шырша мерекесінде қала әкімі Ғабит Сыздықбеков аз қамтылған және көп балалы отбасылардан шыққан жетім және ата-анасының қамқорлығынсыз қалған, мүгедек және мүмкіндігі шектеулі балалар мен оқуда үздік атанған 300-ге жуық балаға Президент сыйлығын тапсырды.
Мерекелік кешке Шымкент қаласының білім басқармасына қарасты 144 мемлекеттік білім беру ұйымдарынан 9 жастан 13 жасқа дейінгі балалар қатысты.
Жаңа жылдық ғажайыптар еліне саяхаттаған балалар танымал мультфильмдердің және халық ертегілерінің кейіпкерлерімен танысып, ән айтып, би биледі.
Оқушыларға жаңа жылдық мерекелік көңіл мен ұмытылмас естеліктер сыйлағаны үшін Шымкент қаласының әкіміне алғыс білдіреміз.