📌 АТА - АНАЛАРҒА АПВ - ҒА ҚАРСЫ ВАКЦИНА САЛУ БОЙЫНША ТҮСІНДІРМЕ ЖҰМЫСТАРЫ ЖҮРГІЗІЛДІ

 Шымкент қаласы білім басқармасына қарасты N  88 жалпы орта білім беретін мектебінде 27 қыркүйек күні “Otau Med” клиникасының мамандары, психолог Абишова Акжаркын Доктырбаевна, СӨСҚ дәрігері Туманова Эльмира Мамыржановна 11 жастағы оқушы қыздардың ата-аналарымен семинар өткізіп, адам папилломасы вирусы (АПВ) бойынша толығырақ түсіндіріп өтті. 

Адам папилломасы вирусы – жатыр мойнының обыры, тік ішек обыры және басқа да қатерлі ісіктер сияқты аурулардың пайда болуына себеп болады және қоғамдық денсаулық сақтау саласындағы негізгі проблеманың бірі саналады.

Сондықтан, адам папилломасы вирусының алдын алудың тиімді жолы – вакцина салу дейді дәрігерлер.

Осы вирустың алдын алу мақсатында биыл оқу жылынан бастап елімізде 11 жастағы оқушы қыздарға АПВ-ға қарсы вакцина салу басталады. Вакцина тұрғылықты жері бойынша барлық мектептер мен емханаларда тегін қолжетімді болады. Вакцинация ата-анасының немесе заңды өкілдерінің келісімімен, дәрігердің қарауынан кейін және қарсы көрсетілім болмаған жағдайда жүргізіледі.

Семинардың соңында ата-аналар өздерін толғандырған сұрақтарын қойып, мамандардан жауап алды.