Қауіпсіз интернет

Қауіпсіз интернет

Интернет – бүкіл әлемдегі миллиондаған компьютерлер мен ұялы сымтетіктерді бір-бірімен байланыстыратын орасан зор желі. Әрине техника дәуірінде жан-жақты болған жақсы ғой, бірақ әр нәрсенің өз уақыты, орны болуы керек емес пе?

Оқушының санасын улайтын түрлі қауіпті сайттардан қорғау мақсатында №88 жалпы орта мектебімізде «Қауіпсіз интернет» атты ақпараттық науқаны ашылып, іс-шаралары жоспарланды. Науқан барысында мектебімізде  «Интернет дегеніміз не?», «Қауіпсіз интернет еліне саяхат», «Интернет пен денсаулық» тақырыбында сынып сағаттары өтті, «Пайдалы және қауіпсіз интернет», «Балаларға бала жасынан бастап қауіпсіз интернет қажет» тақырыбында оқушы білімін арттыратын ашық сабақтар жоғары дәрежеде жалғасып жатты, «Интернет және біз», «Интернет желісіндегі қауіпсіздік шаралары» атты дөңгелек үстелдер, «Интернетті қауіпсіздендіру бағытындағы шаралар», «Интернет: ия және жоқ», «Интернеттің алдын алу – оқушылар тәуелділігі» тақырыптарында шығармалар мен эссе сайыстары ұйымдастырылды.

Мектебімізде тәжірибелі тілшілер, психологтар, басқа мамандардың, ата-аналардың қатысуымен кездесулер ерекше әсер қалдырды. Интернет желісіндегі қауіпсіздік шаралары туралы қызу пікіралмасу ешкімнің көңілін тыс қалдырмады. «Қауіпсіз интернет» тақырыптарында плакаттар жарысы, «Интернет менің өмірімде» атты шығармашылық жұмыстар бойынша түрлі байқаулар өтіп жатыр.

«Қауіпсіз интернет» тақырыбындағы ақпараттық науқаны жоғары дәрежеде ұйымдастырылып, іске асырылды. Осы шаралардан соң мектеп оқушылары интернет желісін пайдалану қағидаларын жетік меңгерді деген үміттенеміз.