#дебат_шымкент

“Ұшқыр ой мен шешен тіл"

Шымкент қаласы білім басқармасына қарасы №88 жалпы орта білім беретін мектебінде 2019 жылғы 31 наурыздан бастап мектепішілік "Дебат" пікірсайыс клубы құрылды. Оқушылардың бойына шешендік өнерді дамытуға, ұтымды пікір айтуға, креативті ойлауға, қабілеттерін шыңдау мақсатындағы "Дебат" пікірсайыс клубының жетекшісі Р.Зинадилова бекітілді. Әзірлік барысында үздіксіз жұмыс  жасап, дайындықтың нәтижесі көптеген жетістіктерге жеткізді. Атап айтқанда, Академик Ә.Қуатбеков атындағы Халықтар достығы университетінің 20 жылдық мерей тойы, "Жастар жылы" аясында "Алаң 3.0" атты ашық аймақтық мектеп оқушылары мен студенттері арасында өткен пікірсайыста, 40 мектептің ішінде мектебіміздің "ЖасStar" дебат клубының президенті Бердібек Айбек ЛД форматында кубок иеленіп, "Ең үздік спикер" номнациясымен марапатталды. Сонымен қатар, "Жастар жылы" аясында өткен "Заман талабына сай Қазақстан" атты қалалық пікірсайыс турнирінде "Логика" фракциясы ІІ орынға ие болды. Елбасы Н.Ә.Назарбаевтың "2019 жыл - Жастар жылы" бастамасын қолдау және үштілділікті және үштілділікті жүзеге асыру мақсатындағы қалалық V дебат турнирінде Бердіхан Айбектің бастауымен "Ең үздік көшбасшы"  номинациясымен мектеп командасы марапатталды.  Дарын орталығының хаты негізінде "Ұшқыр ой алаңы" республикалық турнирінің өтуіне байланысты 6 -11 сынып оқушылары арасында мектепішілік дебат клуды құрылды. "Рухани жаңғыру" бағдарламасын іске асыру мақсатында "Ризашылық мейірімділік бұлағы" жалпыұлттық мәдени-білім беру жобасы аясында "Ұшқыр ой алаңы" республикалық дебат турнирінде жалпы командалық есеп бойынша жеңімпаз атанып, әдістемелік орталықтың I дәрежелі дипломмен марапатталды. ҚР Тәуелсіздігінің 30 жылдығына орай " Қазақстанның жаңа жағдайдағы дамуының жаңаша мүмкіндіктері" атты атты республикалық онлайн пікірсайыс турнирінен мектептің Логика фракциясы "Дебат креативі" дипломына ие болды. Қаратау аудандық білім беретін мектептер арасында Ы.Алтынсариннің 180 жылдығына орай "Тәуелсіз елдің тұлғасы" дебат турнирінің іріктеу кезеңінен, 39 мектептен 40  команда қатысқан турнирде қазақ лигасы бойынша мектебіміздің "Тұран" фракциясы I орынды иемденді. Жүлделі орындарды бағындырған ұшқыр ойлы, шешен тілді жеңімпаз оқушыларымызға, шығармашылық жолында қанаттарың талмасын деп сәттілік тілейміз!