Нышан Төлегенов мектепке арнап ән ұран жазды

                                  

    «Алтын ұя-мектебім» ән ұранның тұсаукесері Нышан Төлегеновтың №88 жалпы орта мектебінде өткен шығармашылық кешінде өтті. 
     Шақырылған қонақтар композиторды шығармашылық кешімен құттықтап, жылы лебізін жеткізді.
Танымал сазгер, әнді жанына серік еткен Нышан Төлегенов  күні бүгінге дейін облыстық филармонияда шығармашылығын шыңдап келеді.  Сазгер шығармашылық кешінде өз әндерін көпшілікке тағы бір насихаттады.
Нышан Төлегенов - Қазақстан Республикасының  еңбек сіңірген қызметкері, Бәйдібек  ауданының  Құрметті  азаматы.  Өңірдің осындай дарынды перзенттерінің бірі бүгінгі күнге дейін "Арыстанбаб", "Түркістан", "Бəйдібек баба", "Төле баба", "Домалақ ана" , "Алғабасым" сынды көптеген əуезді əндерді жазған. Жерлестері осы әндерімен мақтанады.
    Кездесу барысында сазгердің өмірі мен шабытты шығармашылығы, өнерде жеткен жетістіктері мен   атқарған жұмыстары  айтылды. Өнер майталмандары болса Нышан Төлегеновтің сыршыл қасиетінен туған əндерін орындап, елдің ықыласына бөленді.Сол кеште сазгер «Алтын ұя-мектебім» ән ұранын мектеп директоры А.А.Маликоваға табыстады.