ШЫМКЕНТТЕ «ПРЕЗИДЕНТ ШЫРШАСЫ» ТОЙЛАНДЫ

Шымкент қаласында Қазақстан Республикасының Президенті Қасым-Жомарт Тоқаевтың атынан мектеп оқушыларына арналған жаңа жылдық шырша тойы тойланды. 

Еліміз бойынша бір мезгілде өткен шара «Жаңа Қазақстан – бақытты балалық шақ мекені!» деп аталды. Оған қала әкімі Мұрат Әйтенов қатысып, балғындарға Мемлекет басшысының құттықтау хатын оқып берді.

 Шымкент қаласының әкімі Мұрат Дүйсенбекұлы оқуда, спортта, шығармашылықта және қоғамдық өмірде жетістіктерге жеткен дарынды 9 бен 13 жас аралығындағы 300-ге жуық балаға Президент сыйлығын тапсырды. 

Жаңа жылдық ғажайыптар еліне саяхаттаған балалар танымал мультфильмдердің және халық ертегілерінің кейіпкерлерімен танысып, олармен ойын ойнады, ән айтып, би биледі