Жаттығу залында- жас каратешілер-болашақ чемпиондар

  Карате – қарусыз қорғанудың бір түрі. Яғни, аяқ және қолмен қарсылас денесінің осал тұсына соққы беруге негізделген.
  Біздің мектепте Каратэ-до үйірмесі бар.Бұл каратe үйірмесінде Қойшықұлов Ильяс жетекшілік  етеді.
Білікті бапкердің қарамағында 1-10 сынып  аралығындағы балғын каратешілер тәлім алады.
Қойшықұлов Ильяс  шәкірттерінің көпшілігі қалалық, облыстық және республикалық жарыстардан жүлделі орындар иеленген. Мәселен, Сейдқасым Бақдаулет  аз ғана уақыт ішінде, 45 кг салмақта  республикалық жарыста жеңімпаз атанып,  ІІ орынды иеленді.
   "Спорт болғандықтан жеңіс те, жеңіліс те қатар жүреді. Сондықтан, жеңілуді білмейтін спортшы ешқашан жеңіске жете алмайды", - дейді Ильяс бапкер.
   Бұл жер спорт залы емес, тұтас бір отбасы секілді. Балалар да спорт жолындағы серіктер емес, бір-біріне тіреу, нағыз жанашыр бауырлар сияқты. Оқушыларымыз досты ғаламтор қамалынан емес, спорт алаңынан тапқандары көңілге қуаныш сыйлайды.
   Қазақтың намысын әлемге әйгілейтін каратешілеріміздің қатары көп болсын!