19
апрель
2020
БІЗ БІРГЕМІЗ.
Қашықтықтан оқытуда IV тоқсанның екі аптасын да артқа тастадық. Өткен аптада атқарылған жұмыстарды талдап, саралап, іс-әрекетімізге баға беріп, кездескен кедергілер мен мәселелердің шешу жолдарын қарастырып, атқарылған жұмыстарға рефлексия жасай отырып, жасалған жұмыстардың сәтті шыққан қадамдары мен сәтсіз тұстарын анықтап білу арқылы алдағы аптада атқарылатын іс- әрекеттерді қалай жоспарлауға болатындығын айқындау мақсатында Шымкент қаласы білім басқармасына қарасты №88 жалпы орта білім беретін мектебінің директоры А. А. Маликова «Қашықтықтан оқыту жағдайындағы оқу процесінің жүргізілу барысы» тақырыбында мұғалімдердің құнды пікірлері тыңдалды. Яғни, нақты критерийлерді қою арқылы әріптестердің жұмысын бағалау мен қадағалау, жас ұстаздарға мотивация туындату мақсатын көздеді.
Онлайн пікір алмасу;
• Қашықтықтан оқытудың тиімді жағы болды ма?
• Қашықтықтан оқытуда оқушылардың сабаққа қатысуы мен белсенділігі бәсеңдеген жоқ па?
• Қашықтықтан оқытуда оқушылардың үлгерім деңгейіне мониторинг жасауға мүмкіндік болды ма?
• Қашықтықтан оқытуда сәтті тұстарыңыз?
• Қашықтықтан оқытуда сәтсіз тұстарыңыз? секілді сұрақтар төңірегінде өтті.
Аталған сұрақтар бойынша мұғалімдер өз пікірлерінде;
Қашықтықтықтан оқытудың нәтижелі болуы ата- ананың үйде отыруына да байланысты екендігін, өйткені жауапкершілік екеуіне де артылғанын сезініп, жұмысты бірлесе отырып жасайтындығы, бала өзінің қадағалауда екенін сезініп, жауапкершіліктері артқанын сезді.
Қашықтықтан оқыту оқушының сабаққа қатысымы мен белсенділігін арттырмаса бәсеңдетпегендігін, оқушылардың кейбір қырлары ашылғандығын айтты. ҚО –да алғашқы күндері «дағдарыс» болғандығын, мектеп әкімшілігі тарапынан үйлестіру жұмыстарының жүйелі жүргізуінің нәтижесінде оң шешімдерін тауып отырса, сәтті тұстарында жеке жұмыс балалардың ішкі уәждерін ашуға мүмкіндік бергендігін, балалардан көп «ДОС» тауып отырғандықтарын жеткізді.
Қашықтықтан оқыту бастауыш сынып оқушылары үшін, әсіресе 1-сынып оқушылары қиындық туғызғандығын, себебі, олар ата-ананың қолдауынсыз өз беттерінше жұмыс жасай алмайтындығын, карантин кезінде барлық ата-ана үйде отыруына байланысты, өз балаларына жақсы қолдау көрсетуде. Күнделікті балаларының қасында отырып, бағыт-бағдар беруде. Оқушылар тапсырмаларды уақытында орындап, жүйелі жұмыс жасауда. Нәтиже жаман емес. Бірқатар оқушылардың жазуы түзеліп, оқу жылдамдықтары артқаны байқалады. Оқушылармен күнделікті жеке байланысып, орындаған тапсырмаларына берілген кері байланастарға ата –аналар да оң пікірлерін білдіруде. Әріптестерім айтқандай қолдауды қажет ететін кейбір оқушыларым өздерін еркін ұстап, белсенділік танытып, жақсы қырларынан көрінуде.
Педагогикалық мәртебемізге сүйеніп, оқушының білім алуға және үздіксіз ақпарат алуға, беруге деген құлшынысымыз болашаққа деген үмітімізді арттыра түсті. Қашықтықтан білім беру жүйесі дамыған мемлекеттерде бұрыннан бар. Қазіргі жағдай цифрлы Қазақстанның мүмкіндігі баладан, ересекке дейін ұғындыруда деп білемін. Оқыту үдерісі кезінде оқушылар мен мұғалімдер арасында интерактивті өзара іс-әрекетте оқытылып, материалдың негізгі көлемін оқушыларға жеткізуді қамтамасыз ететін, оқылған тақырыптарды меңгеру бойынша әр оқушы жеке өзіне сұрақ қойып, «мен не істеуім керек?» деп бірінші өздерін оятты деп ойлаймын. Оқуға құштар оқушылардың белсенділігі қалыпты деңгейде. Дегенмен қолдауды қажет ететін оқушыларға мотивация беріп, мүмкіндіктерін тиімді пайдалануға дағдыландыру әлі де қажет-ақ.
Әрбір оқушының қызығушылығын, қабылдауын ескеріп жекелеп тапсырма берсең, оқушы тапсырманы сол сағатта, не сол күннен кешіктірмей орындап беруге асығады және орындайды. Жауапкершілігі, өздеріне деген сенімділігі артады.
Өз біліміне деген жауапкершілік- болашақтың негізгі ұғымы, яғни, өз күштері мен мүмкіншіліктеріне ғана сенуге болатынын оқушы түсінуі керек!..
Оқушыны оның белсенді әрекеттері үшін, өздігімен қалыптастырған дағдылары үшін, жоғарғы ынтасы мен мақсатқа жету ұмтылысы үшін мақтау сөздерімізді аямай, оқушыларымызды өздігімен үйренуге дағдыландыруға тиіспіз деп ойлаймын...
Шығармашылыққа жаны жақын педагог та өз толғанысын өлең жолдарымен білдіруді жөн санады.
Кеткендей боп ойымыз да сан саққа,
«Вирус» деген пәле келіп бей уақытта,
Қалай сонда, қайтіп енді оқытам?!
Деген сұрақ маза бермей сол шақта.
Әне,міне оқып кеттік ел болып,
«Қашықтықтың» қиындығын еңсеріп,
Үрей болған сол кездегі қорқыныш,
Апта өтпей-ақ, сейілгендей, жоқ болып.
Оқушымен тіл табыстық желіде
Ата-анадан алғыс естіп әр күнде,
Ұққандаймыз осы шақта бәріміз
Қиын кезең болмасыншы елімде.
Білім беріп, сүрінбедік сынақтан
Сөйлесе алдық әр баламен жырақтан.
Ашылмаған, айта алмаған сырларын
Енді естіп, көріп жүрмін уатсаптан
Бұл қиындық өтер Аллам сабыр бер!
Қауышамыз жақсы күнде біліңдер
Алтын-ұя мектебімде мәңгілік
Оқушымның сыңғырлаған үнін бер?!
Міне, оқырманым, Сіздерге деген құрметпен құнды пікірлерді өз бояуымен жеткізуді жөн санадым.
Білім беру жүйесін жан-жақты ақпараттандырып, қашықтықтан оқытудың алғы шарттары елбасымыз Н.Ә. Назарбаев ұсынған «Қазақстан-2050» стратегиялық бағдарламасында айқын көрсетілгенін ескере отырып, пандемия кезеңінде ең бірінші халықтың амандығын мақсат еткен мемлекетіміздің көреген саясатына қолдау білдіретіндіктерін дәлелдеді. Осындай жүйенің аясында жұмыс жасаудың алғашқы сатысында зиялылық потенциялын, компьютерлік техниканы ұтымды пайдалана отырып, үздіксіз білім беру принциптерін ойдағыдай іске асыру қажет. #БІЗ БІРГЕМІЗ.
Зинадилова Раушан Қалдыбекқызы
